--------
امك وابوك شايلين حمول
صحصح وفوق بلاش خمول
وادي القساوة اجازة مفتوحة
طبطب عليهم ماهي دي الاصول
لحم كتافك ده كله من خيرهم
تقدر تقولي ف الدنيا مين غيرهم
ليل نهار يتمنوا ليك ف دنيتك
انك تكون احسن كتير منهم
اعمل باصلك رد الجميل ليهم
وافرد جناحك ف البرد غطيهم
وان حسوا يوم بحر الدنيا
بالحب خليك نسمة هوا ليهم
لو يوم تشوف دمع ف عنيهم
امسح دموعهم وبوس ايديهم
دول كانوا ليك بر الامان
الدور عليك بايديك تعديهم
---------------------
بقلمي
احمدعبدالله الاسيوطي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.