بقلمى سالى محمود
مع السلامة يابنى
ربنا يسلم طريقك ربنا يحميك يا ولدى
كانت اخر دعوة منى قبل ماتسلم وتمشى
تروح وتيجى بالسلامة خللى بالك من بلادى دى امانة
ربنا وصى عليها زى بر الوالدين
كانت جوة قلبى دقة بتقولى خليك معايا
خليك فى حضنى يا بنى يا ضنايا
انت حلمى انت عمرى وكل هنايا
منايا انى اشوفك قدام عينية فى يوم عريس ده كان منايا
ضحكتك تملا عينيك فرحتك تهز قلبى
كنت بستناك يوماتى وانت جاى من بعيد
النهاردة كنت حاسة مش هاشوفك من جديد
بعد ماغاب ظل نورك فى الطريق ادعيلك واقول يارب سلم
صوتك بيرن فى ودنى ادعيلى يا اما
ربنا يحرسك يا ولدى ويجعل الخير بين ايديك
كانت اخر دعوة منى
يارب ليه اخدته منى
بدل ما يرجع لى فى حضنى رجع لى ملفوف فى العلم
اه يا ولدى اه يا كبدى بقيت تراب بقيت عدم
اصرخ وانادى عليك بلهفة يصرخ جوايا الالم
تضحك تقول مش تبكى يااما بابنيلك فى الجنة بيت
كان وجودك دنيتى وجنتى كنت صبرى فى وحدتى
سلم طريقك ياابنى كانت اخر دعوتى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.