الجوهرى عبدالله
/يلا السلامه\
لمّا انطلق
سهم الهوى
من عينيكى
وف قلبى رشق
كنت انا
من قبلها
مسلّم سلاحى
ومركبى فى بحر
الغرام..غرق
صفحة الحب..
النقيه
بثت دموعها
ع الورق
اللى جف
فى عز ربيعه
ومن لوعة
الشوق اتحرق
وساب ف القلب..
علامه
انا اللى حبيت
بالوما
والقلب لحبيبه
انتمى
ولا فقت
الا عندما
صرخت جروحى
من الظما
وارتوت..
من نبع الندامه
ولاعدشى..ينفع
شكوى..ولاملامه
طريق اللى يروح..
مايرجعشى
ويلا السلامه
كأنه ذنب
لم يغتفر
حفر ف الحشا
عاشق..ومعشوق
فى حواشى القلب
رعرع وانتشى
على جدار..
الروح نشا
جوهريات
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.