الجوع
انت فاكر كمان كلامي
لما قابلتك وحاكيت معاني
قلت ليك بعت أرضي
علشان كمان استر بناتي
مالي مكان غير مكاني
بيت كبير يكفي عيالي
عايش كأني حمار سواقي
انا مش مكفي اكسي عيالي
الحاجه غاليه والجوع أزاني
انا نفسي مره أفرح عيالي
بكيلو لحمه زي جيراني
انا مش طماع زي غيري
أبني عايش ذليل لغيري
والأكل مالوش طعم بلساني
اصرخ ونادي يكفي عذابي
بموت ياناس راح كل مالي
مش فاكر أني ارجع وطاطي
للي كمان سبب هواني
اوعي تقول ابيع مكاني
علشان أعيش انا وعيالي
السمك كمان سعره غالي
وكل حاجه بترفع علالي
مش قادر أعلم كمان عيالي
دروس كمان بسعر غالي
أجيب منين اعيش حرامي
عوضي عليك في حر مالي
لشاعر / محمد ابورحمه صقر الشعراء
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.