عبدالمنعم عدلى،،مصر
مشيت الطريق وحدى
لاصاحب جنبى
ولا رفيق يواسى قلبى
وسمعت صوت
جاى من بعيد
بيهتف فى قلبى
وقفت ولبيت نداء الحبيب
ومشيت بعيد
وعديت صخور وجبال
وفى أول الطريق
فاتنى وحيد
أنعى همى
وألم جرحى
وعرفت إن
الطريق طويل
ونهايته ذى بدايته
وياريت ما مشيت الطريق
وفى وسط الطريق
عدى العمر
وشاب القلب
وأنا عايش وحيد
والجرح بينزف
ألم وصديد
يافايتنى وفاكر
إن الدنيا ليك
بكرة تكون وحيد
تشرب نار الليالى
وماتلاقى حبيب
يافايت قلبى
وجرحه بينزف
مش هدعى عليك
هأقول ربى يحميك
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.