عبدالمنعم عدلى ،،مصر
كنت فين ياربابه
وإحنا بنحارب الزغابه
قولى كلامك
وإحنا بنسمع أنغامك
أول كلام
أصلى وأسلم على
نبى الرحمة سيدنا
محمد صل الله عليه وسلم
أنا لفيت بلاد كتير
وأنا بدندن على الربابه
وسمعت كلام كتير
وملهوش أقاويل
ولا معايير طالع
من شرزمة ناس مهابيل
قالوا عنك ونسيوا الأساطير
دول ناس همج
وكلامهم كتير
نسلط عليهم
دود الأرض
يأكل الأخضر واليابس
ونأخد النفيس
ونسيوا إن الأرض
مقبرة للدود
وفى يوم وليلة
شافوا نار السموم
من كل فج عميق
وإيد بتبنى وتعمر
وكفن رايح
ونبت طالع
يأخذ بالثأر
لأخر الحدود
أصلك غاليه
علينا يابلدى
تسلم إيدك ياولدى
ياحامى أرضى وعرضى
ياشايل هم بلادك
وأقسمت والقسم عظيم
نموت وتحيا بلادى
ولا يسكن فيها عادى
وأختم كلامى
بصلاتى وسلامى
على هادى القلوب
سيدنا محمد
صل الله عليه وسلم
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.