محاكمة خيانه
ورغم ان حبك بيملي الوريد
ولكن علي العهد هفضل بعيد
ولو حتي ناري فبعدك تزيد
هيفضل حصاري لقلبي يزيد
بعادك قراري
ولو قلبي شاري
هاحاكمه بخيانه
وهانهي الوجود
انا كنت عاشق تخطي الحدود
انا كنت فعلا بحبك مريض
ورغم ان نبضي ف بعدك شريد
هيفضل عنادي كطفل وليد
هعاند غرامي
وهعلن خصامي
وهاكتب علي قلب حبك طريد
ولو جف نبضي ومات الوريد
محال ان هرجع
محال ان اعيد
------------------------------
الشاعر / احمد مخيمر
1/9/2018
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.