الشاعر \\ عبد العليم ابو عبده

خلاص --- - قلم الحريه مات -- عشان كتب الحقيقه -- ان الناس ف ضيقه -- وبتاكل الفتات -- وان الحريه -- قد قرص الطعميه -- بتسد النيه -- والكل ف شتات -- واللى بيتكلم -- بيتالم -- ويعلمه الذل السكات -- خلاص قلم الحريه مات -- بشلوت -- بنبوت -- برصاصه ف الظلمات -- ببعض التوصيات -- منها احبسوه -- عذبوه -- اشنقوه -- دا بيوزع ع الغلابه اهات -- وبيخلى الناس تندم ع اللى فات -- وبيعطيهم امل وبيعمل المعحزات -- والحكومه -- مش ملزومه -- غير بخد وهات -- جاتك هتهات -- مع انى الحال يسر-- ومفيش ضر -- ولا متاهات -- والناس بتاكل وتشرب -- دا قلم معقرب -- غاوى ضرب مؤسسات -- حد- قاله اكتب عن الاسعار-- والعار-- اللى صاب الغلابه -- من شريعة الغابه -- والعواطليه ف الطرقات -- حد وصاه --- يقول متاه -- وياولداه -- الكل تاه -- دا بتاع اشاعات -- وين متلاقوه -- اعدموه -- بلاش قلة ادب -- يادولة العسل والشربات -- هاتلنا نحدق بالمش هات -- بدل ما يعم الغضب -- والكل من لسانه ينسحب -- دوغرى الفقر حيكون مات -- اللى فينا -- مكفينا -- احنا الحاشيه -- الكدابه والواشيه -- واهى بالظلم ماشيه -- بلا صوم بلا صلوات -- بلا تقوى ف القلوب -- خلينا ف الشح والنضوب -- حدفوا الهفايا بطوب -- ولاذنب عليكم محسوب -- مفيش يوم قيامه ات -- نقول زى م الضمير الميت يقول -- بالعربى المستحيل معقول -- وانتم وادى الظلمات -- يابتوع الكلمات ----------------------- الشاعر \\ عبد العليم ابو عبده