#اعتقال#
بقلمى#شيماء العشرى #
قلبى قرر أعتقالك
يعنى م الآخر كده ناوى احتلالك
القرار صادر بحقك
مش هيفرق عندى ردك
أيوه مش قابل قرارك
انا الحكم والمحكمه
ابقى الشهود والمظلمه
مش جاى عليكى ويظلمك
هى مشاعرك مجرمه
سجنى ليكى سجن مش عادى إنفرادى
ومفيش مجال للإعتراض
وكلامى نافذ م الساعه دى
والنقض مرفوض مسبقا
واخبطى راسك فى حيط
هى عافيه وبلطجه
من قلب محتاج للرضا
ما تفكريش فى الﻹنسحاب
سور أعتقالك مش كلام
ده فولاذ وواصل للسحاب
والحيطه سد
ده مكانك أنتى يا فيا انا
محجوز لقلبك يا انا
مش ملك حد
بقلمى#شيماء العشرى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.