.... انا بشر......
جوا ف قلوبنا الوجع
والناس ما بتشفهوش
مسؤل ماعنده أدب
كداب ماصدقتوش
غرق الجنيه ف البحر
دورت مالقتهوش
كان من زمان له تمن
دلوقت ماعرفتوش
جنب الدولار بقى ورق
دايسه ما عبرهوش
صرخت فين ياحكومه
حقي ال مابخدهوش
قاعد في وسط ديابه
قال ايه مابيحسوش
عاملين كلامي قضيه
سامعين ما بيرودوش
ماانتم كبار البلد
بالعهد ما بتوفوش
ياخلق انا من البشر
مش صخر بات منقوش
فيكوا الضمير اتعدم
راح مات مابتحنوش
واولادي عاشوا المرض
راضين بكام ملطوش
صابرين عشمهم فرج
قولتوا الفقير مالهوش
ياخلق فوقم بقى
ولا مابتحسوش
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.