#عشرين_ضفيره
(#كل_أوطانى)
-------
-------
فاكرة لما كنت بضفرلك شعرك
عشرين ضفيرة
فاكرة لما كنت بقولك انتى
احلامى الكبيرة
----
سبتينى لية واحنا فى وسط الطريق
بعد فراقك شب فى قلبى مليون حريق
يا طوق النجاة انا فى وسط البحر غريق
-----
مشيتى من على الشط وروحتى فين
طب كنتى خدينى معاكى متسبنيش وحدى حزين
ما أنا من غيرك هعيش لية ---- وهعيش لمين
-----
#يا_حلم_عمرى_إللى_مكملشى
#يا_حب_قلبى_إللى_مطولشى
#يا_نن_عينى_ساكت_ليه_مبتتكلمشى
#أنا_هفضل_واقف_هنا_طول_عمرى_مش_همشى
------
افتح بابك --- وخدنى معاك
افتح بابك -- انا اللى بحبك وبهواك
افتح بابك -- انا مستحيل انساك
افتح بابك -- انا حضنك انا دنياك
------
عارفك حبيبى بتحبنى
وزى ما وحشتك انت وحشتنى
كنت بحس بحبك وانت بتضمنى
ارجع فراقك كسرنى وهدنى
-----
قولى لية مش عايز ترجع
انا بعد منك عايش بتوجع
كان نفسى منك يا حبيبى اشبع
بحلم بإسمى من شفايفك تانى اسمع
-------
#هتفضل_فى_قلبى_وهتفضل_معايا
#هتفضل_حبيبى_أملى_ومنايا
#هتفضل_ساكنى_وساكن_حشايا
#هتفضل_دايما_بطل_الروايا
#هتفضل_يا_عمرى_أجمل_حكايا
-----
محدش يقولى مش هيرجع تانى
انا عارف حبيبى هناك بيستنانى
انا حضنة ووطنة وهو كل أوطانى
انا عايش عشانة وهو بعيد عايش عشانى
انا حاسس بية انا شايفة بيفرد إيدية لأحضانى
-------
يا حبيبى وحشنى اوى حضنك
وحشتنى عينيك وطيبة قلبك
وحشتنى كلك على بعضك
انا مش همشى انا هفضل هنا جنبك
وهبنى بيتى يا حبيبى أدام قبرك
--------
--------
#عشرين_ضفيره
(#كل_أوطانى)
حسن محمد على
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.